Ao alcalde de Foz non lle quedou outra que
rectificar. Gracias a un traballo árduo o PSOE conseguiu que se empecen a
defender os intereses dos veciños, que se están a pisotear de continuo en
beneficio da Constructora da obra de Álvaro Cunqueiro. 11.500 euros que se facturaban
de mais e que, finalmente, non sairán das arcas do
Concello.
O alcalde viuse na
obriga, condicionado polas denuncias do PSOE refrendadas polos servicios
técnicos municipais, a demandar a redacción dun Proxecto Modificado. Quedou
demostrado que o alcalde quería pagar un tubo de menor calidade e capacidade
con un precio abusivo, pretendíase comprar filete de panga e pagalo a precio de
rape.
É increíble que
soamente despois de destapar o escândalo, despois dunha denuncia reiterada do
PSOE, o alcalde se empece por fin a ater á legalidade. Está claro que lle viu
as orellas ó lobo.
O prezo que se presentou para a
nova certificación é 11 euros inferior
por metro de tubería, o que supón un aforro
de máis de 11.500 euros soamente na rede de pluviais. Este prezo deberá
xustificarse, xa que podería estar aínda por encima do que é aceptable.
O PSOE reclama que se faga un
control exhaustivo doutras unidades da obra, como a cantidade de formigón que
se está a empregar nos tubos, así como o espesor do firme, nalgúns puntos a
metade do que se recolle en Proxecto: a Dirección de Obra non está a facer o
seu traballo, hai diñeiro que sae sen control do Concello por trapalladas e
argalladas.
Se isto está a pasar
na rúa principal de Foz, en Álvaro Cunqueiro, enfrente mesmo do Concello, que
non pasará noutras obras?
No hay comentarios:
Publicar un comentario