O PSdeG – PSOE ven de presentar un escrito dirixido ao Secretario do Concello de Foz para que informe de forma clara, unívoca e precisa, sobre as presuntas irregularidades na certificación do primeiro pago da obra de Álvaro Cunqueiro.

Ao grupo municipal do PSdeG-PSOE correspóndenlle, como principal partido opositor no Concello de Foz, as tarefas propias da oposición ao equipo de goberno, como son, a fiscalización das contas públicas, a análise e crítica das accións da alcaldía e, en definitiva, a defensa do interese xeral e dos dereitos de tódolos veciños e veciñas de Foz.

                

No exercicio das prerrogativas de fiscalización e control que nos corresponden, no PSdeG PSOE estamos observando un incumprimento xeral e reiterado, sen ningún respecto pola lexislación vixente, das prescricións que marca a normativa de referencia e o Proxecto Construtivo de  Reforma da Avda Álvaro Cunqueiro.

                 

O Alcalde de Foz levou ao pleno do pasado xoves día 26 de xuño a primeira certificación de obra da Avda Álvaro Cunqueiro. Neste documento, Director de Obra e Alcalde asinaron en documento público, para o cobro pola empresa adxudicataria, unha medición de 800 metros lineais de colector de PVC de 400 mm de diámetro, dos cales non se colocou nin un so metro.

                

Consideramos que segundo a  documentación presentada  -certificación coa medición de tubo e documento asinado polo Director de Obra- no que informa do cambio do colector de PVC de 400 mm de diámetro por outro de inferiores características -polietileno de 315 mm de diámetro-queda demostrado que a Dirección de Obra e Alcalde de Foz, asinaron unha certificación de de 800 metros lineais de tubo de PVC de 400 mm de diámetro que NON se colocou.

                

Así mesmo, quedou demostrado, por ser de dominio público, afirmalo en diversos medios de comunicación e confirmalo no pleno mencionado, que o alcalde é coñecedor do cambio do colector de proxecto de PVC polo de polietileno - que ten un custe tres veces inferior-  e aínda así asinou en documento público certificación polo prezo superior.

                 

O PSOE de Foz cree que o interese xeral e o principio de eficiencia e de control do gasto–que debe primar en tódalas actuacións do Concello- foi seriamente afectado por unha certificación que abona un prezo 3 veces superior –diferencia entre o custo do tubo de Proxecto(PVC) e o realmente colocado(PE) - o que supón unha merma e un menoscabo inxustificado das arcas públicas.

                 

Motivos polos cales, o PSOE decide dirixir un escrito ao Secretario do concello de Foz, para que dentro das súas funcións de asesoramento legal preceptivo e fedatario da fiscalización da xestión económica,  informe de forma clara, unívoca e precisa: 

o   Si é conforme a dereito e procede a certificación dos 800 metros de tubería de PVC de 400 mm que non se colocou.

o   En caso de que a resposta sexa NEGATIVA, se informe dos procedementos que establece a normativa vixente, con tódolos pasos necesarios, para facer un Proxecto Modificado de obra e poder certificar un material que non recolle o Proxecto.

o   Se indique de forma clara –coa aportación dos servicios técnicos do Concello si é preciso- se o cambio dunha tubería por outra de inferiores características supón un prexuízo económico para o Concello, toda vez que se pretendía abonar ao prezo máis caro.

o   Se informe das leis e normativas que presuntamente se incumpriron e das responsabilidades nas que puideron incorrer alcalde e Dirección de Obra.

o   Se inicien os procedementos legais recollidos no Proxecto e normativa vixente para proceder ó apercibimento e substitución da Dirección de Obra, que ten como misión fundamental levar o control da reforma da rúa e asegurar que se cumpran todas as prerrogativas en canto a seguridade, calidade nos materiais e execución conforme ao Proxecto.

o   Se proceda de oficio por parte da Secretaría, tal e como marca a lexislación, a todas aquelas accións e dilixencias que eviten se siga actuando por parte da Dirección de Obra e Alcaldía de forma arbitraria, incumprindo o marcado no Proxecto de Reforma da Avenida Álvaro Cunqueiro, e se garanta a defensa do interese xeral que debería primar nas actuacións do Concello.

O obxectivo desta petición do PSdeG-PSOE non é outro que desbloquear o tema, que a certificación se axuste á realidade da obra, se abonen os materiais e o traballo realmente executados e que os modificados que haxa que levar a cabo, sexan aprobados polo órgano contratante, que non é outro que o pleno da Corporación.

                 

No caso de que esta reclamación non xurda efecto e se continúe pretendendo certificar unha obra con un material que non se colocou, que se substituíu por outro de menor calidade e mais barato, cobrándoo ao prezo do máis caro e non utilizado, o PSOE de Foz non dubidará en poñer denuncia do feito diante da fiscalía.