O PSOE de Foz
denuncia un novo incumprimento flagrante do Proxecto da Rúa de Álvaro
Cunqueiro. Neste caso trátase do formigón do firme. Estase construíndo unha losa que non chega aos 11 cm de espesor en
determinadas zonas, a metade do que recolle o Proxecto.
De novo estamos vendo as
chapuzas desta obra, o alcalde busca unha inauguración rápida, non defende a
calidade da obra nin os dereitos dos veciños, soamente o beneficio do
Contratista.
Unha redución do espesor do
formigón vai provocar que a rúa, prevista para unha duración dun mínimo de 30
anos, haxa que reformala en 2 ou 3 anos.
É especialmente preocupante e
queremos que todo o mundo o saiba, o Concello paga o formigón da rúa por metro
cadrado. É dicir, o Concello vai pagar por unha losa de 21 centímetros de
espesor cando se está a facer a metade.
 |
É unha obra sen control, nin por
parte da Dirección de Obra, nin por parte do Alcalde. Os recursos do Concello
estanse de novo a malgastar, actuando de forma desleal e con falsidades
continuadas, non se podería facer peor.
No hay comentarios:
Publicar un comentario