O Alcalde de Foz
anunciou a apertura ao tráfico de Álvaro Cunqueiro para a vindeira semana. O
PSOE de Foz móstrase indignado polo resultado das obras nesta rúa. Á negativa
de cambiar as vellas conducións de fecais e abastecemento –que ten varias fugas
localizadas-, súmase a mala execución. O formigón presenta a metade de espesor
do proxectado en moitos tramos e é evidente a mala calidade do mesmo. Non nos
foi facilitado ningún ensaio de resistencia, pese á insistencia do PSOE en
reclamalos e ser de obrigada aportación para o cobro das certificacións de
obra. As grietas da Avenida da Mariña repetiranse en Álvaro Cunqueiro, un firme
deseñado para 30 anos que racha en menos de un.
Se a isto sumamos carrís de menos de
3 metros de ancho nas cabeceiras da rúa –fóra de toda normativa e nos que a
duras penas caben os automóbiles- e o uso de tapas de arquetas vellas re-utilizadas
que non resisten o peso de vehículos, ademais de farolas nas que a luminaria non corresponde
cos seus soportes, estamos ante unha deixadez total de funcións, ante unha
manga ancha do Concello escandalosa.
Os experimentos, con gaseosa - afirma
o candidato á alcaldía Fran Cajoto. Demándao a Acia, demándano os comerciantes,
demándano os veciños, pero sobre todo demándao o sentido común, Álvaro
Cunqueiro e Avenida da Mariña NON poden ter o mesmo sentido de circulación. É
inaudito que o Alcalde, de forma unilateral, por non saber rectificar, por
capricho, dispoña as dúas rúas principais de Foz con sentido de circulación cara
a Burela.
A Avenida da Mariña ten que ser
sentido Burela e Álvaro Cunqueiro sentido Ribadeo, como foi sempre, como marca
a lóxica -declara Fran Cajoto. O
contrario supón un caos na circulación na glorieta de Vilalba, supón condenar á
Rúa do Pilar, cun colexio e con grave risco de desplome, a un tráfico que non
pode soportar. Faremos porque isto cambie, é o noso compromiso.
No hay comentarios:
Publicar un comentario