O candidato do PSdeG-PSOE de Foz comparte coa ACIA a preocupación pola rúas reformadas.

Fran Cajoto, xa como candidato do PSOE a alcaldía de Foz, acompañado de outros membros da executiva local, reuniuse este fin de semana coa ACIA de Foz.

                

 Un dos temas mais importantes tratados na reunión foi a preocupación existente por ambas partes, en como vai quedar o pobo tras as obras das avenidas principais de Foz.

                 

Todos os asistentes consideraron mais apropiado que a Avenida da Mariña continúe aberta ao tráfico e se poidan utilizar como aparcadoiros as prazas actualmente de carga e descarga, xa que axudaría a facer da zona un lugar mais cómodo para que, focenses e visitantes, poidan realizar súas compras.

                 

Compartiuse a preocupación existente polo anuncio de que por ámbalas dúas rúas reformadas, Avenida Mariña e Álvaro Cunqueiro, o tráfico circule na mesma dirección, de cara a Burela e para ir cara a Ribadeo se opte por unha rúa, a do Pilar, que non reúne as debidas condicións para absorber a circulación. - O lóxico e a única opción posible, neste momento, é que se manteña a configuración de sempre -.           

                

Opinión compartida por Fran Cajoto, que, no caso de acadar a alcaldía, se comprometeu a, dando sempre prioridade aos viandantes, manter o tráfico pola avenida da Mariña, reconfigurar a dirección en Álvaro Cunqueiro e aumentar e mellorar as medidas de seguridade para os peóns especialmente en zonas que revisten gran perigosidade, como por exemplo no cruce de acceso ao colexio Martinez Otero, de maneira que o tráfico rodado e os peóns poidan compartir espazos con total seguridade.

                 

Tamén adquiriu o compromiso deseñar un Plan de Mobilidade que defina o modelo de cidade que mellor se adapte aos veciños de Foz, ao seu comercio e aos seus visitantes. “Non se pode ir a golpe de ocorrencia como esta facendo o actual alcalde, onde hoxe unha rúa é peonil, maña non, hoxe non se pode estacionar e maña si, o que xera un desconcerto nos veciños e visitantes que xa nin saben por onde teñen que circular ou ir para facer as súas xestións e compras, o que afecta negativamente o comercio focense. O PSOE aposta con claridade polo pequeno comercio como un dos eixos vertebradores do pobo e parécenos fundamental favorecer a accesibilidade á zona onde se atopan concentrados tantos establecementos comerciais, e que esta sexa cómoda  y atractiva  para que os focenses poidan realizar as  súas compras con facilidade” explica Fran Cajoto

                 

Na reunión, analizáronse as actuacións que está levando a cabo a Acia, a situación do sector, así como os proxectos de futuro e acciones conxuntas, que en pos do beneficio dos comerciantes e dos veciños se poden levar a cabo. Adquirindo compromisos, o candidato socialista, de incentivar, dentro dun marco de colaboración e promoción do comercio local, a posta en marcha de novas actividades e conseguir que se leven a cabo proxectos capaces de atraer visitantes, en épocas non estivais, nas que a actividade comercial se reduce drasticamente.