UNHA SUCESIÓN DE CATASTRÓFICAS DECISIÓNS.

Rememorando aquela película de  Lemony  Snicket “Unha serie de catastróficas  desdichas” o alcalde de Foz, no seu anhelo de humanizar as dúas rúas máis importantes de Foz, tomou ao longo destes anos de reformas unha serie de decisións cada cal máis sorprendentes.

                 

A última decisión é a de desviar o tráfico pesado con dirección a Ribadeo pola rúa Salvador de Madariaga cara ao porto. Pero por onde? Polo Campo da Cabana? Por Eduardo Pondal?  Algo que é un auténtico despropósito. Levar o tráfico pesado por vías menores e estreitas polo medio de pobo non é, nin viable nin aceptable.

                

Toda esta sucesión de catastróficas decisións inícianse coa intención de humanizar a Avenida da Mariña e Álvaro Cunqueiro. É nese momento canto hai que tomar toda unha serie de decisións, como prever o tráfico cun plan de mobilidade, os aparcadoiros, etc. algo que non se fixo. Hai que ter en conta, ao comercio, os desprazamentos dos peóns, dos usuarios das rúas, dos residentes,  e non se fixo. 

Naquel momento sinalábase que a primeira das arterias principais de Foz, a avenida da Mariña sería dirección a Burela e a segunda, Álvaro Cunqueiro, en dirección Ribadeo. Fixábanse na propia rúa unhas 61 prazas de aparcadoiro. Ningunha das previsións cumpriuse. A  avenida da Mariña pasou a ser peonil podendo circular por ela só os residentes para acceder aos garaxes e as prazas de aparcadoiro foron substituídas por prazas de carga e descarga. E Álvaro Cunqueiro, cuxa previsión indicaba que sería en dirección Ribadeo, cambia para ser en dirección Burela.

                 

A día de hoxe atopámonos coas dúas travesías principais de Foz con dirección Burela, con constantes cambios nos sentidos de circulación nas rúas adxacentes, cun novo anuncio de prohibición de circulación pola avenida dá Mariña, excepto para residentes e uso comercial, repintado de zonas de carga e descarga para aparcadoiros de máximo 45 minutos, sen saber como se vai a controlar.

E o máis grave, co tráfico con dirección Ribadeo pola rúa do Pilar, que non reúne condicións para soportalo nin para converterse en arteria principal do pobo, ou co sorprendente anuncio de que, o tráfico pesado, derivarase por Salvador de Madariaga dirección ao porto.

                 

Moitas rúas víronse afectadas por esta sucesión de decisións improvisadas: a de Paco Mañón e do Pilar, con senllos colexios, e a do cemiterio viron incrementado o tráfico, os constantes cambios de dirección en Vilar Ponte  (a de abanca), onde os veciños xa non saben se poden subir ou baixar ou a obrigatoriedade de xiro á dereita baixando por costa  do Castro (onde  mercadona), son bo exemplo. Ao que se une a decisión de non deixar aparcar en Eduardo Pondal o que fai que se vexan afectadas a rúa Salvador de Madariaga e Alfonso X, que á hora de entrada e saída do CEIP  Nº1, soportan todos os vehículos que non poden aparcar na anterior, véndose obrigados, mesmo a parar sobre a beirarrúa, para recoller aos nenos no colexio.

                 

Por non falar de que non se substituíron as tubaxes de saneamento ou que non se cumpren os grosores do formigón o que fai que, agora mesmo, a avenida da Mariña estea totalmente agrietada.

                

O PP demostra que non ten ningún proxecto para Foz, que traballa a golpe de improvisación. Esta é a herdanza do PP de Foz e do  Sr Castiñeira. Esta e unha gasolineira e un tanatorio no medio do pobo.

O PSdeG-PSOE de Foz pide que Gestagua subsane as deficiencias detectadas polo informe de Eptisa

Tras vencer, xa fai un ano, o contrato de abastecemento e saneamento da auga en Foz e diante da inminente saída a concurso da concesión dun servizo, que se volverá a privatizar facendo caso omiso das propostas de municipalización presentadas tanto polo PSOE como polo BNG, o grupo socialista levará ao vindeiro pleno dúas moción para que, o equipo de goberno, requira á actual empresa concesionaria a que dea solución ás deficiencias sinaladas no informe de auditoría externa encargada polo Concello.

                 

Tras sinalar diferentes informes de intervención a necesidade de unha auditoría  “xa que non foi posible determinar si empresa concesionaria realizou todas as inversións ás que se comprometeu” esta encárgase a unha empresa, co obxectivo de analizar e inspeccionar o estado de mantemento e conservación de todos os elementos dos sistemas de abastecemento e saneamento en réxime de concesión.

                 

Dito informe reflexa unha serie de compromisos por parte da concesionaria, difíciles de constatar, tanto económicos como de mantemento e xestión dos sistemas a explotar. Poñendo en dúbida a actualización dos planos da rede de abastecemento e a existencia do modelo de rede. As inspeccións constatan a antigüidade de algunhas das infraestruturas e equipos que compoñen o sistema de abastecemento, que superan os 25 años, apuntando que a súa vida útil pode estar chegando ao seu fin. Detéctanse tamén, una serie deficiencias - 17 en na rede de abastecemento e 13 na de saneamento - nos depósitos, estacións de tratamento, bombeo de auga potable e outras instalacións, que recomendan esixir á empresa concesionaria antes da nova concesión.

                

 Os socialistas consideramos que é fundamental para o desenrolo do pobo, dispor de unha planimetría actualizada do servizo, incluíndo tipoloxía e dimensión dos condutos, localización das distintas válvulas e elementos do sistema en formato dixital con coordenadas xeo-localizadas. E con mais motivo antes da saída a concurso do servicio, para que calquera empresa poida concorrer en igualdade de condicións que a actual concesionaria.

                 

Motivos estes que nos levan a presentar as devanditas mocións no pleno deste xoves, para instar ao equipo de goberno a que requira á empresa concesionaria a planimetría actualizada e a que realice as reparacións necesarias para solucionar todas e cada unha das deficiencias detectadas segundo as recomendacións realizadas polo informe de auditoría de Eptisa

   

O PSdeG-PSOE de Foz felicítase do gran impulso do Ministerio de Fomento ao tramo Barreiros-Foz da Autovía da Mariña

O PSOE de Foz felicítase do compromiso do Ministerio de Fomento coa Comarca da Mariña e con Foz desde que entrou no Executivo o novo goberno socialista, rescatando un proxecto que agardaba esquecido nos caixóns.

              

É un gran avance para Foz e para toda a comarca que se inicie a tan agardada Autovía da Mariña, catro carrís que permitirán vertebrar as poboacións e impulsar enormemente a actividade económica. Despois do impulso no arranxo do firme na Estrada da Costa, o Ministerio sigue apostando pola Comarca e por Foz, é un investimento moi forte que non podemos menos que celebrar. 

            

O tramo que sae a información pública discorre desde Barreiros (enlace coa Autovía do Cantábrico) ata o Enlace de Foz coa estrada N-642, no entorno da antiga fábrica de Pardiñas. O Ministerio aposta por unha plataforma de autovía, con dous carrís por sentido separados por unha mediana de 5 metros, o que permite soportar unha intensidade de tráfico maior que o Corredor autonómico, aumentando a seguridade vial.

             

Desde o PSOE local estamos analizando pormenorizadamente o Proxecto redactado, de forma que se garanta a menor afección posible aos veciños.  

Podemos anunciar que o PSOE de Foz vai presentar alegacións para que se mellore o Enlace do Carme, facéndoo máis amable co entorno e que se inclúan as saídas dirección Viveiro, que beneficiarían enormemente aos veciños das parroquias do interior. Tamén estudaremos o Enlace de Foz por si é posible dotalo de maior capacidade de tráfico na subida á Autovía. 

Que non quede ningunha dubida a ninguén de que o PSOE de Foz sempre estará na defensa dos seus veciños e veciñas. 

O PSOE de Foz pon en valor os máis de 285.000 euros achegados polo Goberno da Deputación para o impulso do deporte

A Agrupación Socialista de Foz agradeceu ao Goberno da Deputación os investimentos achegados para o impulso e o fomento do deporte no municipio mariñán. Foron máis de 285.000 euros os que o organismo provincial destinou para a celebración de actividades deportivas, renovación e dotación de instalacións, así como para os gastos correntes de clubs e asociacións deportivas de Foz.

O candidato socialista á alcaldía de Foz, Francisco Cajoto, puxo en valor a aportación económica da Deputación e subliñou que “estas colaboracións enmárcanse dentro da nosa aposta pola promoción do deporte como un hábito de vida saudable, capaz de dinamizar a economía e o turismo dos concellos da provincia.  Neste eido, dende o Partido Socialista traballamos para ofrecer aos focenses servizos públicos que cremos que son necesarios e xustos para garantir a igualdade de oportunidades vivas onde vivas e combater, deste xeito, o despoboamento demográfico”.

 

A agrupación destacou os 100.000 euros que o Goberno da Deputación achegou para a construción do novo hangar de piraguas, que permite o pleno desenvolvemento das labores de formación e promoción do piragüismo na Mariña, cubrindo a demanda de espazo existente debido ao elevado número de usuarios desta modalidade deportiva, así como outros 100.000 euros para dotar de novo céspede natural ao campo de fútbol Martínez Otero de Foz, onde realizan os adestramentos todas as categorías do Club Deportivo Foz e que empregan máis de 300 rapaces da vila, xa que tamén adestran as Escolas Deportivas e os alumnos do Colexio. 

 85.000 euros para entidades e colectivos

 
O PSOE de Foz destacou que os 85.000 euros restantes foron para o pulo do deporte, pois con este orzamento o Executivo Provincial colaborou con distintos colectivos. Por exemplo, co Club Deportivo Foz, Club Baloncesto Celtas de Foz, Club Kayak de Foz ou o Club Ciclista de Foz, que recibiron axudas para a súa actividade competitiva. O Goberno socialistas na Deputación tamén contribuíu á posta en marcha de actividades da Asociación Deportiva Nuestra Señora del Pilar; da escola de tenis do Club de Tenis de Foz; da escola de Vela do Club Náutico de Foz ou da Agrupación Deportiva Martínez Otero. Ademais, financiou a organización do Torneo de Fútbol Foz Costa Nova Cup, da Liga de Inverno de tenis ou do Campus de Verán de patinaxe artística, entre outras.

 

Vía: http://psoeprovincialdelugo.com/2018/12/o-psoe-de-foz-pon-en-valor-os-mais-de-285-000-euros-achegados-polo-goberno-da-deputacion-para-o-impulso-do-deporte/