Asilo: o que debe primar é a seguridade dos residentes. O PSOE esixe un informe urxente sobre o estado do edificio.

O derrube de parte do falso teito do comedor do asilo, afortunadamente quedou, tan so, nun susto e nun furado no teito, pero puido ocorrer unha desgracia.

                 

Non basta con, como di o alcalde de Foz, acelerar os trámites para abrir a nova residencia, neste intre e tras o acontecido o imprescindible ten que ser asegurar a seguridade dos residentes, que un perito emita un  informe urxente do estado do edificio, que garanta que todas as estancias son habitables ou si polo contrario é necesario pechar algunha.

                

Desde o partido socialista criticamos en diferentes momentos a demora que supuxo para a apertura da nova residencia a decisión do alcalde de solicitar a cesión da mesma ao consorcio, e o tempo nos da a razón, o novo edificio leva mais de dous rematado e sen ocupar.

O que fai que nos cuestionemos si o alcalde, por motivos electoralistas, leva dous anos estirando os diferentes trámites para facer coincidir a apertura da residencia co período electoral, en vez de axilizalos diante dunha Xunta da mesma cor política ca súa e mais cando vemos residencias do redor, impulsadas pola Deputación e edificadas con moita posterioridade á de Foz, van a abrir as súas portas ao mesmo tempo, ou antes, que a focense.

                 

Namentres, o Concello, continúa inxectando fondos para o mantemento do vello asilo, que á vista do ocorrido non esta claro onde van parar, a mantemento das instalacións vese que non. Nin o patronato nin a entidade que xestiona o asilo, xustificaron nin fixeron un mantemento adecuado da instalación logo das distintas subvencións que recibiron de fondos públicos do Concello de Foz. 

                

Por outra parte hai escasos días o Alcalde declaraba en prensa que o Concello faríase cargo do mantemento do actual asilo, unha vez se trasladen os residentes as novas instalacións, como condición do patronato para a cesión dos terreos colindantes de cara a levantar neles un hipotético auditorio. Á vista do degradado estado no que se atopa dito edificio, cabe cuestionarse si é de recibo que o Concello asuma dito compromiso de mantemento sen unha valoración previa do custe que pode supor para as arcas municipais e sen sequera saber que uso se vai dar ao mesmo.

Non se pode ir a golpe de ocorrencia como nos ten acostumados o Alcalde Castiñeira, as decisións deben ir acompañadas das valoracións necesarias para asegurar que non supoñen un menoscabo dos recursos económicos que pertencen a todos os veciños.          

O PSOE de Foz trasladouse xunto co seu candidato á alcaldía Fran Cajoto a Cordido para coñecer os problemas da parroquia.

O PSOE de Foz continúa as reunións con distintas asociacións do Concello, neste caso compartimos as preocupacións e as deficiencias que nos trasladaron os veciños da parroquia de Cordido.

             

Os veciños de Cordido sofren un retraso moi grave nas súas comunicacións. O sinal de televisión e a cobertura de móbil son moi deficientes. Practicamente só poden contratar con unha compañía, e teñen que optar por opcións moito máis caras para as súas casas, como o acceso por satélite. Nos tempos de hoxe, non se pode permitir este agravio comparativo co resto do Concello. Estes problemas continuos víronse agravados estes días por un fallo nas antenas.

             

Os membros da asociación tamén nos trasladaron outras preocupacións, como a calificación de terreos para a construción de vivendas ou algunhas deficiencias no inventario de bens municipais.

Unha vez rematada a reunión, puidemos comprobar "in situ" o recente aglomerado dun vial no Barrio do Sixto. Varios veciños trasladáronnos o seu enfado polos pasos salvacunetas que se construíron neste camiño para o acceso ás fincas, obras que xestiona o Concello de Foz. Colocáronse uns tubos de diámetro claramente insuficiente, de 9 ou 11 cm de diámetro, polo que a cuneta vai rebosar na primeira choiva. Ademais, os pasos quedaron moi baixos, polo que hai un escalón no acceso aos terreos e resulta imposible acceder con un tractor ás fincas. 

Esperemos que se arranxen estes defectos o máis rapidamente posible. É unha mágoa que o diñeiro de outras administracións, que permite que o Concello manteña unha mínima capacidade inversora, non se controle e se xestione de forma adecuada.

             

A Deputación está financiando, a través do Plan Único que concede ao Concello de Foz, 174.315 euros para a mellora de camiños en Vilaronte, Cangas (Ribela), Foz (Barrio Escanlar), Fazouro, Cordido ou o aglomerado no camiño da igrexa de San Acisclo.

O desconcerto na recollida de lixo no Concello de Foz

Unha das funcións principais dos Concellos é prestar uns bos servizos públicos aos seus veciños, garantindo que os recursos que se obteñen a través dos impostos se xestionan de forma eficaz e adecuada.         

            

A mediados do pasado mes de Agosto coñeciamos pola prensa que a empresa encargada do servizo da recollida de plásticos e envases - contedor amarelo - renunciaba á concesión por escrito e deixaba de prestar o servizo. Anunciaba daquela o alcalde de Foz que outra empresa realizaría a recollida como se facía ata o momento. Transcorridos tres meses, sen ningún tipo de información desde o Concello, desde o PSOE preguntámonos: que tipo de contrato se fixo con esta empresa?, que foi dos traballadores, que o propio alcalde non descartaba, tivesen que ser subrogados?, pensa o alcalde sacar a concurso público a concesión deste servizo?

            

“Denunciamos unha e outra vez a falta de respecto do alcalde polos procedementos legais. Queremos que nos informe de que servizo se está a prestar, cal é o custo do mesmo, se está a repercutir negativamente nas contas do Concello e por que non saca a concurso público a concesión do servizo de recollida de plásticos e envases. Queremos as cousas claras, estamos absolutamente fartos de escusas e escurantismos”

             

A falta de mantemento e de medios estase observando tamén na recollida de lixo orgánico - os contedores verdes -  O concello de Foz realiza este servizo con medios propios, tendo dous camións para esta tarefa. A finais de setembro un deles sufriu un incendio á vez que o outro se atopaba avariado: ata o día de onte estívose prestando o servizo con un camión externo,  o que supoñemos xeraría unha serie de gastos extra ao Concello.

             

"Que pasa coas reparacións en Foz? Non é normal que un camión bote máis de dous meses agardando reparación no caso do que ardeu, e máis de dous no caso do avariado con anterioridade"."Os medios do Concello hai que coidalos, páganse con diñeiro de todos".

             

É certo que o servizo se sigue prestando, pero non é menos certo que unha administración e o seu rexedor teñen a obriga de facer as cousas correctamente e conforme a lei e non poñendo parches indefinidos no tempo como fai o alcalde de Foz. 

A falta de xestión pagámola todos: outro sobre-custo que pasará a engrosar as facturas e partidas sen xustificar que ano tras ano seguen aumentando, superando xa no exercicio do ano 18 os 900.000 euros sen contar os 140 mil destinados a cuberta do pavillón que non se cambiou, pese a ser necesario, cando se remodelou, o que acabará dando lugar a un novo incumprimento da estabilidade orzamentaria e do plan económico financeiro.  

O Goberno da Deputación sufraga en Foz a nova canceira para os animais abandonados

Por fin!!! Tras anos de espera nunhas instalacións totalmente inadecuadas para os animais, tras o incumprimento do alcalde, logo de que no pleno do 4 de maio do ano 2017 acadase o apoio da corporación para aprobar un suplemento de crédito no que se incluían 100.000 euros para a canceira  e non executala, sen sabemos que foi dese diñeiro nin o que se fixo con el, por fin se da solución ao benestar dos animais abandonados en Foz e se dignifica o gran traballo que están facendo as voluntarias e voluntarios da “Asociación Asistencial Protectora de Animales de Foz” cunhas instalacións axeitadas e adaptadas as súas necesidades e ás dos animais que atenden.

 

Hai que destacar a inversión da Deputación de 90.000 euros por subvención directa e 40.000 a través do Plan Único que concede aos concellos para sufragar o total do custe desta obra demostrando , unha vez mais o compromiso que ten con Foz a Deputación de Lugo, da que nos sentimos moi partícipes.  

O Voceiro do Goberno da Deputación, Álvaro Santos Ramos, e o Alcalde de Foz, asinaron este xoves o convenio para a construción no noso municipio do novo refuxio de animais abandonados. Terá capacidade para uns 40 cans e gatos. O Executivo Provincial financia na súa totalidade estas actuacións con 90.000 euros. O concello achega os terreos, situados no núcleo de Mañente, en Vilaronte. O Rexedor municipal avanzou que investirá máis de 30.000 euros procedentes do Plan Único da Deputación para completar estes traballos.

 Características do novo refuxio en Foz

Situarase nunha parcela municipal de máis 13.000 metros cadrados, no polígono 3 do núcleo de Vilaronte, na parroquia de Mañente, onde actualmente tamén se afinca o punto limpo, ocupando 97 metros cadrados deste espazo. Será na parte sur do terreo onde se constrúa o refuxio, estendéndose uns 2.500 metros cadrados. A propia canceira terá unha ocupación en planta de 285 metros cadrados. A edificación será unha nave con estrutura metálica cuberta e inclinada a dúas augas, con zonas cubertas nas dúas direccións. Dará cobizo tanto a cans como a gatos. Terá capacidade para 40 animais, cumprindo así as normativas existentes sobre benestar animal. As novas instalacións disporán de zona de espera, oficina, aseo con ducha e zona de baño de animais, sala de curas e sala para pequenas intervencións. A nave disporán dunha zona exterior para os animais onde se situará tamén un almacén de alimentos. Esta espazo que conectará coas propias dependencias.

Álvaro Santos explicou que “a Xunta transferiu aos Concellos as competencias de recollida e xestión de animais abandonados sen ningún medio económico para poder asumilas. Ante esta situación, que é unha mostra máis do castigo ao que o Executivo galego do Partido Popular ten sometidos aos municipios, dende o Goberno Provincial estamos a facer un importante esforzo inversor, que ascende xa aos case 800.000 euros, para habilitar espazos nos que os Concellos poidan levar aos animais abandonados e prestarlles o coidado e a atención que requiren”