Perigo da baixada á cala de San Pedro na parroquia de Cangas.

Denunciamos o mal estado e o perigo da baixada á cala de San Pedro na parroquia de Cangas.

Xa transcorreu un ano dende que, na sesión plenaria de xuño de 2017, o grupo municipal socialista demandase, mediante unha moción que saíu aprobada co voto unánime de toda a corporación, instar á Administración competente a que se procedese á inmediata reparación da baixada á cala de San Pedro na parroquia de Cangas. 

A principios de abril deste ano, recíbese resposta do Ministerio de Medio Ambiente informando que, a competencia para realizar as obras de conservación é do Concello e que, en tanto non se proceda a reparación, deberá de tomar as medidas precisas para garantir a seguridade das persoas, asumindo no seu caso a responsabilidade da falta de adopción de medidas adecuadas.

O PSOE volveu insistir, na sesión plenaria de finais de abril, na necesidade de actuar en dita baixada para solucionar un problema, moito máis grave do que parece, pois presenta un risco importante para a seguridade física dos veciños, veciñas e visitantes e máis agora que se aproxima a tempada estival.

 

Tras visitar novamente o lugar e á vista de que, o alcalde de Foz e seu equipo de goberno, non dispuxeron ningunha medida de  seguridade no aceso á devandita cala, o PSOE vese obrigado a denunciar publicamente, o estado e o perigo que supón para calquera, utilizar unha baixada onde atopamos: unha escaleira con risco de desplome inminente, gretas estruturais en toda a sección en varios puntos quedando o mallazo exposto ás condicións ambientais, moi adversas polo ambiente mariño. Un talude con desprendementos de rocha e graves liñas de fractura que indican que vai a sufrir novos esvaramentos aumentando o risco de colapso e desplome total da escaleira. Estamos diante dunha baixada completamente insegura, moi perigosa e totalmente irrecuperable polo que é necesaria a demolición e a construción de novo acceso e, mentres e non, a clara sinalización do risco que supón baixar a esa cala.