Un ano mais Foz, continúa con escaseza de
prazas nas escolas infantís e segue habendo familias que, pese a demandalo, non
poden matricular aos seus fillos e fillas en ningunha das dúas escolas
infantís do municipio.
Tras saír publicadas as listaxes
definitivas de admisión e agarda nas escolas infantís, “A Galiña Azul” e “Nosa
Sra. da Purificación”, pódese comprobar como Foz continua tendo lista de agarda
en ámbalas dúas.
Por segundo ano consecutivo o
grupo socialista vai demandar o apoio da corporación para volver a instar á
Consellería de Política Social e ao Consorcio Galego de Servizos de Igualdade a
que dean cobertura pública á demanda de prazas nas escolas infantís no concello
de Foz.
Hai dúas posibilidades, unha da
que sería mais partidario o PSOE, que é ampliar as escolas existentes, e outra,
valorar a posibilidade de unha nova escola infantil nun lugar que xa este
adaptado, como por exemplo a Escola Unitaria de Vilaronte ou a Obra Pía de
Fazouro.
No pasado ano puidemos comprobar
como en concellos do redor, véxase Mondoñedo por exemplo, procedíase á ampliar
a súa escola infantil, aínda tendo menos demanda de prazas que Foz, co
resultado de que, neste curso 2018-19, non ten lista de agarda.
Fai escasos dias o presidente da
Xunta de Galicia, Sr Feijóo, anunciaba que esperaba habilitar mais de 1.500
novas prazas o próximo ano, polo que o PSOE de Foz cree que é o momento
oportuno para que o alcalde de Foz faga as xestións oportunas e necesarias para
que, unha parte desa ampliación de prazas, recaia no concello de Foz.
Dispor de prazas suficientes nas
escolas infantís e unha das ferramentas crave para a conciliación da vida
familiar e laboral e a incorporación da muller ao mundo laboral, polo que os
socialistas de Foz esperamos o apoio unánime de toda a corporación nesta
demanda.
No hay comentarios:
Publicar un comentario