No pleno deste xoves, dende o PSOE de Foz,
asistimos a unha nova sesión do trato despótico e marrulleiro do alcalde aos
concelleiros do noso partido, con ataques persoais que nada teñen que ver co
debate que esperan os veciños dos seus representantes.
Unha vez máis, o alcalde xoga
con tratos de favor, vinculando a aprobación duns presupostos inverosímiles,
decepcionantes e moi tardíos, coa privatización do servicio municipal da auga. Coa inestimable colaboración de FPF, o
alcalde logrou nun solo pleno a cuadratura do círculo, que se aprobaran os
orzamentos, que se privatizase a residencia de maiores o servizo da auga.
En canto aos orzamentos, que o
alcalde vinculou ao plan económico financeiro, o PSOE, non pode menos que
denunciar o engano que supoñen as partidas de ingresos, infladas a todas luces con impostos que non se
van a cobrar e a decepción nas inversións que supoñen as partidas de gastos. A
única inversión que trouxo a debate, a canceira, será sufragada con fondos da Deputación,
única administración que suple a nula aposta por Foz que están a facer tanto o Concello
como a Xunta de Galicia.
O alcalde pretende corrixir o
agravio que suporá para os usuarios, a residencia dos 900 euros, soamente para
rico, que o PSOE foi o primeiro en denunciar, con unha partida extraordinaria
do catastrazo. Veremos como fai para subvencionar as prazas na residencia nos
sucesivos anos, con un Concello sen capacidade económica, en quebra técnica e
intervido pola Xunta, pola mala xestión deste alcalde.
Os socialistas temos que lamentar
a aprobación duns presupostos incoherentes, falsos a todas luces e que traerán
consigo de novo 500 ou 700 mil euros en facturas fora de contabilidade, como
ven sendo habitual nestes últimos anos.
Uns gastos por encima do orzado que incumpren
reiteradamente a Lei de estabilidade orzamentaria, obrigando a elaborar un plan
económico financeiro, e que ao non facelo en tempo trae como consecuencia esas
partidas de non dispoñibilidade de case 600.000 euros que hipotecan o concello
os vindeiros anos.
Non é coherente, por un lado,
criticar a xestión dun alcalde que fixo que o concello estea en quebra
técnica, intervido por esas partidas de
non dispoñibilidade, criticar que non se controlen gastos, nin traballos, nin
obras realizadas, que se fraccionen contratos para non sacalos a concurso, que
non se cumpran as inversións acordadas e recollidas no orzamento dos pasados
anos e, por outro, aprobar un orzamento baixo a crenza de que, o alcalde, vai
mudar de actitude non gastando de mais e cumprindo co acordado. Nin ir de
adaíles da xestión pública dos servizos e votar a favor dun orzamento que
certifica as externalizacións e
privatizacións tanto do servizo da auga como da residencia.
En canto á xestión da auga, que
si é municipal e non unha competencia impropia como a residencia, o alcalde
afirma que non é capaz de xestionala –iso é verdade, á vista está-. O informe de Eptisa, que o alcalde esgrime,
apuntaba dúas opcións viables para xestionar a auga no concello, pública e
privada. A primeira das opcións, a xestión pública, permitía obter ingresos que
reverterían no Concello. Atopabámonos ante una oportunidade única. Con unas
condiciones inmellorables, más abonados que habitantes, con un informe técnico
que di que existe un beneficio, sen subir tarifas, de más de 50.000 euros e que
facía perfectamente factible a municipalización e coa privatización, o que
sairá a concurso é que a empresa adxudicataria gañe mas de 250.000 euros ao
ano.
A opción da xestión privada, que
levará eses ingresos ás mans privadas e non aos veciños, foi aprobada nun sospeitoso
contubernio, con incompatibilidades e abstención nas deliberacións dos
concelleiros de FPF pola súa relación laboral coa actual empresa na liquidación
do contrato vencido e tomando partido na decisión do tipo de xestión, algo que
non fixeron cando o PSOE presentou una moción para crear una comisión para
traballar na municipalización, pero si cando unha privatización da auga lles
beneficiaría persoalmente e, casualidade, é necesaria a probación por maioría
absoluta da corporación.
No PSOE asistimos atónitos ao lamentable
cruce de descualificacións entre o BNG e
FPF como consecuencia dos seus intereses. Acusando uns de que la portavoz do
BNG tEN a súa nai traballando no asilo e pretende que pase á residencia sen ter
que concursar polo posto de traballo, e os outros acusando ao portavoz e
concelleira de FPF de ter intereses en Gestagua e facer de comerciais da
empresa defendendo e apostando pola privatización.
O despropósito do alcalde chegou
ao seu máximo expoñente, na primeira certificación da obra da rúa Álvaro
Cunqueiro que levou ao pleno. En contra de toda a lexislación vixente, en
contra dos intereses de todos os veciños, o alcalde pretendeu pagar 800 metros
dunha tubería que nunca se construíu e certificar o triple de prezo por un tubo
de inferior calidade.
Afortunadamente, nesta ocasión,
toda a oposición adoptou a única decisión que se podía tomar, deixalo sobre a
mesa ata que se aclare si, como afirma o PSOE, é o pleno quen debe aprobar calquera
modificación do proxecto e si, se pretende cobrar por materiais de menor
calidade que os recollidos no proxecto a prezo dos mellores e mais caros, o que
suporía un claro caso de prevaricación.
