jueves, 21 de febrero de 2019

O PSdeG-PSOE defenderá no pleno deste mes unha medida para dar solución á falta de efectivos no corpo da Policía Local de Foz


A entrada en vigor, o pasado 2 de xaneiro, do Decreto que posibilita a xubilación anticipada dos efectivos da Policía Local, supón para o corpo de policía focense a perda de dous axentes, un xubilado recentemente e outro que o fará o vindeiro mes de agosto. Polo que quedan soamente seis axentes en activo e outro en comisión de servizos, número a todas luces insuficiente para un concello de mais de 10.000 habitantes como é Foz.

                 
O alcalde de Foz como xefe da policía local ten o deber de coñecer ó persoal, as súas necesidades e a posibilidade de que algún efectivo puidésese acoller á xubilación anticipada,  non podendo alegar descoñecemento dunha medida acordada polo executivo de Rajoy e do  Sr Montoro. O que demostra unha absoluta neglixencia, pois este ano verase minguado considerablemente o número de efectivos da Policía, coa consecuente carga de traballo para os que queden.  Esta falta de previsión do Alcalde Castiñeira e do seu equipo de goberno, complicará a correcta prestación dos servizos por parte dunha policía local sobrecargada de traballo  o que redundará en prexuízo dos veciños e veciñas de Foz, agravándose coa proximidade do verán e o aumento de poboación que experimenta o concello de Foz coa chegada masiva de visitantes e turistas.

                 
Para evitar problemas de seguridade cidadá debido a este considerable aumento nas cifras de visitantes e ao crecemento da tempada estival, os socialistas consideramos que tamén é necesario contar con auxiliares de policía que complementen as labores dos axentes, algo que o PSOE de Foz xa solicitou en pleno o pasado ano, sen resultados.

                 
A lexislación actual establece a taxa adicional de reposición da policía local, que será efectiva desde a presentación da solicitude de xubilación anticipada, o que se traduce en que as administracións locais poden adiantar as prazas que se vaian a publicar nas ofertas de emprego para evitar que o corpo de Policía Local quede baixo mínimos.  

                 
Polo que, o grupo socialista, pedirá neste pleno a convocatoria urxente dunha oferta de emprego público para cubrir as baixas producidas ao amparo do decreto e, así mesmo, solicitará o acordo da corporación, para a delegación na Administración Xeral da Comunidade Autónoma de Galicia, das competencias relativas á desenvolvemento dos procesos selectivos para o acceso ás diferentes categorías do corpo de policía local e prazas de auxiliares de policía local para cubrir as prazas necesarias nun futuro próximo.

                 
Hoxe en día, dos 129 municipios con policía local, 66 acolléronse a esta delegación de competencias.  O Decreto 115/2017 do 17 de novembro posibilitaba esta medida e os diferentes concellos foron informados mediante unha instrución desta posibilidade. O feito de que o  Concello de Foz, a día de hoxe, non se acollese demostra a desidia unha vez mais do equipo de goberno. Tendo que ser o PSOE de Foz o que, de novo, tente buscar unha situación, a falta de efectivos da policía local, que se antolla difícil, pois aínda que se convocasen en próximas datas os procesos selectivos, os axentes non entrarían a prestar os seus servizos ata finais do ano 2020 ou entrados xa no 2021.

No hay comentarios:

Publicar un comentario