O PSdeG-PSOE de Foz elixirá o vindeiro sábado ao seu candidato á alcaldía para as próximas eleccións municipais de maio.

A Agrupación Socialista de Foz ten aberto o proceso para elixir quen irá como cabeza de lista da formación nas vindeiras eleccións municipais. Tense establecido, dende o pasado día 17,  un prazo de presentación de pre-candidaturas que permitirá que calquera militante poida optar a presentarse como pre-candidato.

            

 A elección terá lugar o sábado 27, ás oito da tarde, nunha asemblea onde a militancia, terá a palabra e decidirá, a través do seu voto, quen será a persoa que liderará el proxecto político do PSOE  para o Concello e conseguir, nas vindeiras eleccións de maio, o inescusable cambio que necesita Foz.

            

Foz convertese, con este proceso democrático e garantista, no primeiro pobo da comarca da Mariña onde, o PSdeG-PSOE, designará ao candidato para os vindeiros comicios municipais.

A executiva local anima á militancia socialista de Foz, a implicarse, ser parte activa e votar, no proceso de elección do candidato á alcaldía. 

“Os socialistas damos exemplo de participación e democracia interna, moi por diante de outros partidos políticos, con un proceso do que - aseguran dende a executiva local-  sairá elixido quen, en maio do 2019, recibirá a confianza maioritaria da cidadanía para que de novo haxa un Alcalde ou Alcaldesa do PSOE ao fronte do Concello de Foz”