O grupo municipal
socialista defendeu unha moción, que resultou aprobada no pleno deste xoves, para solicitar á Xunta
de Galicia como titular da estrada LU-151, o arranxo do muro de contención que
hai preto da canteira de caolín de San Andrés que presenta graves grietas
estruturais e considerable risco de desplome.
Esta estrada, serve de conexión
entre os concellos de Foz, O Valadouro e Alfoz, é unha vía fundamental e moi
utilizada nos seus desprazamentos, polos os veciños das parroquias de San
Acisclo, Santa Cilla e Fazouro.
O estado que presenta na actualidade
dito muro, sumado ás balsas de auga que se acumulan en temporada de choivas na
zona, supoñen un autentico perigo para os usuarios da vía. Polo que, co fin de
evitar riscos na seguridade das persoas que transitan o lugar e as graves
consecuencias que podería acarrear un hipotético colapso da estrutura, o PSOE
considera que, a Xunta de Galicia, debe acometer con urxencia a reparación do
mesmo.
Esta proposta únese á xa presentada polos
socialistas, fai varios meses, instando á reparación do firme de dita estrada,
xa que é a que presenta mais deterioro e abandono por parte da Xunta de Galicia
das tres da súa titularidade que pasan polo concello de Foz.
.
No hay comentarios:
Publicar un comentario