O PSOE de Foz está moi
preocupado coa merma na calidade dos servizos públicos que se están a prestar
por parte do Concello de Foz, en tódolos ámbitos.
É alarmante a falta de medios e de
material cos que conta a Policía Local do Concello, sen garaxes para estacionar
os vehículos e sen o equipamento adecuado para facer a súa labor. Hai que
destacar que a Policía Local é, pola súa proximidade, o primeiro corpo que
chega a multitude de accidentes e incidencias. Non é só
un corpo de seguridade cidadá, senón que teñen asignadas multitude de tarefas,
é de xustiza recoñecelo.
Estamos a ver unha falta de
efectivos nas rúas. Ao feito de que un dos membros do corpo estea en comisión
de servizos noutra localidade, súmase agora a recente xubilación dun dos
policías acollido ao Real Decreto 1449/2018, reducíndose o número de
axentes a sete.
Non é posible prestar un servizo
completo, 24 horas, 7 días á semana, con tan escaso persoal.O único que sabemos é que hai unha falta total de previsión e unha
despreocupación alarmante, este pasado verán non se reforzou a plantilla como
viña sendo habitual, nun momento en que Foz triplica a poboación- denuncia o candidato socialista Fran Cajoto
Non podemos esperar a xuño para
pensar que Foz necesita socorristas e un reforzo da Policía Local, este
traballo debe facerse xa, de inmediato. Debemos esixir planificación no
Concello, unha xestión adecuada, o timonel vai sen rumbo e o barco vai
encallar.
No novo escenario que se vai abrir
despois das eleccións poderemos facer as cousas doutra maneira, planificando as
necesidades e adecuando a plantilla da Policía Local ao traballo que hai que
facer – indica Fran Cajoto.
No hay comentarios:
Publicar un comentario